UEFA Çempionlar Liqasında 1/4 final mərhələsinə yekun vurulub.

Axar.az-ın məlumatına görə, bununla da yarımfinalın bütün iştirakçıları bəlli olub.

İngiltərə "Liverpul"u cavab oyununda Portuqaliya "Benfika"sını qəbul edib. İlk matçda 3:1 hesablı qələbə qazanan mersisaydlılar ikinci qarşılaşmada heç-heçəyə razılaşıb - 3:3.

Beləliklə, Yurgen Kloppun başçılıq etdiyi kollektiv iki matçın nəticəsinə əsasən yarımfinala adlayıb və İspaniya "Vilyarreal"ına rəqib olub.

İngiltərənin digər təmsilçisi "Mançester Siti" isə İspaniyada Madrid "Atletiko"su ilə üz-üzə gəlib. Evdəki ilk görüşdə 1:0 hesablı qələbəyə sevinən "şəhərlilər" cavab görüşündə qolsuz heç-heçəyə nail olaraq, adını yarımfinala yazdırıb. Mançester təmsilçisi finala gedən yolda İspaniya "Real Madrid"i ilə qarşılaşacaq.

Çempionlar Liqası, 1/4 final

Cavab oyunları

13 aprel

23:00. "Liverpul" (İngiltərə) - "Benfika" (Portuqaliya) - 3:3

Qollar: İbrahima Konate, 21. Roberto Firmino, 55; 65 - Qonsalu Ramuş, 32. Roman Yaremçuk, 78. Darvin Nunyes, 82

Baş hakim: Serdar Gözübüyük (Niderland)

İlk oyun - 3:1