Türkiyənin “Qalatasaray” klubu heyətini yeni futbolçu ilə gücləndirib. İstanbul təmsilçisi “Jirona”nın vingeri Yaser Asprillanı transfer etdiyini açıqlayıb.

Klubun mətbuat xidmətinin yaydığı məlumata görə, kolumbiyalı cinah hücumçusu mövsümün sonuna qədər icarə əsasında “Qalatasaray”ın formasını geyinəcək.

Qeyd edək ki, “Jirona” Yaser Asprillanı 2024-cü ilin yayında “Uotford”dan 25 milyon avro qarşılığında transfer edib. Bu məbləğ Kataloniya klubunun tarixində transferə xərclənmiş rekord göstərici hesab olunur. La Liqa təmsilçisi ilə 2030-cu ilə qədər müqaviləsi olan 22 yaşlı futbolçu bu mövsüm 17 oyunda meydana çıxaraq 1 qol və 1 məhsuldar ötürmə ilə yadda qalıb.

“Qalatasaray”ın bu transferlə hücum xəttində rəqabəti artırmağı və mövsümün həlledici mərhələsində heyətini gücləndirməyi hədəflədiyi bildirilir.