UEFA Çempionlar Liqasında liqa mərhələsi başa çatıb. Turnirin VIII turunun bütün oyunları eyni gündə keçirilib və növbəti mərhələlərdə mübarizə aparacaq komandalar müəyyənləşib.

Liqa mərhələsinin yekununa əsasən “Arsenal”, “Bavariya”, “Liverpul”, “Tottenhem”, “Barselona”, “Çelsi”, “Mançester Siti” və “Sportinq” birbaşa 1/8 final mərhələsinə vəsiqə qazanıblar.

Azərbaycan çempionu “Qarabağ” isə “Real Madrid”, “İnter”, PSJ, “Nyukasl”, “Yuventus”, “Atletiko Madrid”, “Atalanta”, “Bayer Leverkuzen”, “Borussiya”, “Olimpiakos”, “Qalatasaray”, “Brügge”, “Budyo-Qlimt” və “Benfika” ilə birlikdə pley-off mərhələsində mübarizə aparacaq.

UEFA Çempionlar Liqası

Liqa mərhələsi, VIII turun nəticələri:
• PSJ (Fransa) – Nyukasl (İngiltərə) – 1:1
• Mançester Siti (İngiltərə) – Qalatasaray (Türkiyə) – 2:0
• Liverpul (İngiltərə) – Qarabağ (Azərbaycan) – 6:0
• Borussiya Dortmund (Almaniya) – İnter (İtaliya) – 0:2
• Barselona (İspaniya) – Kopenhagen (Danimarka) – 4:1
• Arsenal (İngiltərə) – Kayrat (Qazaxıstan) – 3:2
• Bayer Leverkuzen (Almaniya) – Vilyarreal (İspaniya) – 3:0
• Atletiko Madrid (İspaniya) – Budyo-Qlimt (Norveç) – 1:2
• Benfika (Portuqaliya) – Real Madrid (İspaniya) – 4:2
• Ayntraxt Frankfurt (Almaniya) – Tottenhem (İngiltərə) – 0:2
• Brügge (Belçika) – Marsel (Fransa) – 3:0
• PSV (Niderland) – Bavariya (Almaniya) – 1:2
• Ayaks (Niderland) – Olimpiakos (Yunanıstan) – 1:2
• Napoli (İtaliya) – Çelsi (İngiltərə) – 2:3
• Monako (Fransa) – Yuventus (İtaliya) – 0:0
• Yunion (Belçika) – Atalanta (İtaliya) – 1:0
• Atletik Bilbao (İspaniya) – Sportinq (Portuqaliya) – 2:3
• Pafos (Kipr) – Slaviya (Çexiya) – 4:1

Pley-off mərhələsinin oyunları və cütlüklər püşkatmadan sonra bəlli olacaq.