Dövlət Statistika Komitəsinin nəhayət ki, bugün açıqladığı məlumata görə, 2022-ci ilin ilkin məlumatlarına əsasən ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilə nisbətən 14,7 faiz artaraq 839,4 manat olub. Növbəti addım prezidentin sərəncam verməsi olmalıdır. Belə ki, prezident “Əmək pensiyaları haqqında” Azərbaycan Respublikası Qanununun 29.1-ci və 29.1-1-ci maddələrinə uyğun olaraq Əmək və Əhalinin Sosial Müdafiəsi Nazirliyinə tapşırmalıdır ki, 2023-ci il 1 yanvar tarixinə 2022-ci il üzrə Dövlət Statistika Komitəsinin müəyyən etdiyi orta aylıq nominal əməkhaqqının illik artım tempinə - 14, 7 faizə uyğun olaraq 2023-ci il 1 yanvar tarixinədək təyin edilmiş bütün növ əmək pensiyalarının sığorta hissəsinin, istehlak qiymətləri indeksinin illik səviyyəsinə -13,9 faizə uyğun olaraq fərdi uçot sistemində fərdi hesabların sığorta hissəsində 2023-ci il 1 yanvar tarixinədək qeydə alınmış pensiya kapitalı məbləğlərinin indeksləşdirilməsini həyata keçirsin.
2023-cü il yanvarın 1-dən 2022-ci ildə ödənilən maddi yardım da əmək pensiyalarının tərkibinə daxil edilərək pensiyalara əlavə olunaraq indeksləşdirilməlidir.

Eyni zamanda 15 dekabr 2022-ci ildə “Əmək pensiyaları haqqında” Azərbaycan Respublikası Qanununun
20-ci maddəsinə əsasən qulluq stajına görə əmək pensiyasına əlavələr təyin edilmiş əmək pensiyaçılarına münasibətdə, həmin əlavələrlə birlikdə məbləği indeksləşdirilir.
İndi növbə İlham Əliyevindir, pensiyaçılar onun sərəncamını və pensiyaları gözləyirlər.

Gubad İbadoglu