USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanın Ermənistanın hava məkanından istifadəyə görə ödədiyi məbləğ açıqlanıb
2025-ci ilin 11 ayı ərzində Azərbaycan aviaşirkətləri Ermənistanın hava məkanı üzərindən həyata keçirilən uçuşlara görə təxminən 400 min avro ödəniş edib.
Bu barədə Ermənistan Mülki Aviasiya Komitəsi məlumat yayıb. Bildirilib ki, “Armaeronaviqasiya” QSC 2025-ci il yanvarın 1-dən noyabrın 30-dək olan dövr ərzində Azərbaycan aviaşirkətlərindən ümumilikdə 396 min 282 avro məbləğində vəsait əldə edib.
Məlumata görə, eyni dövrdə Ermənistanın hava məkanından istifadə edən Türkiyə aviaşirkətləri tərəfindən isə təxminən 3,4 milyon avro ödəniş edilib.
Qeyd edək ki, hava məkanından istifadə üçün ödənişlər beynəlxalq aviasiya qaydalarına uyğun olaraq uçuşların sayı və marşrutun uzunluğuna əsasən hesablanır.
