USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanla Türkiyə arasında 33 milyard kubmetrlik qaz sazişi imzalanıb
Azərbaycan və Türkiyə arasında 33 milyard kubmetr həcmində təbii qaz tədarükünü nəzərdə tutan yeni saziş imzalanıb.
Bu barədə Türkiyənin enerji və təbii ehtiyatlar naziri Alparslan Bayraktar məlumat verib. Nazir bildirib ki, razılaşma iki gün əvvəl əldə olunub və uzunmüddətli əməkdaşlığı əhatə edir.
Onun sözlərinə görə, sazişə əsasən Xəzər dənizində yerləşən “Abşeron” qaz yatağından hər il 2,25 milyard kubmetr olmaqla, 15 il müddətində Türkiyəyə qaz tədarükü həyata keçiriləcək. Ümumi tədarük həcmi 33 milyard kubmetr təşkil edəcək.
Bayraktar qeyd edib ki, müqavilə 2029-cu ildə qüvvəyə minəcək və 2040-cı illərə qədər davam edəcək. Təbii qazın mövcud infrastrukturdan istifadə olunmaqla Bakı–Tbilisi–Ərzurum boru kəməri vasitəsilə Türkiyəyə nəql edilməsi planlaşdırılır.
Yeni saziş Azərbaycanla Türkiyə arasında enerji sahəsində strateji tərəfdaşlığın daha da güclənməsinə xidmət edir.
