Xəbər verdiyimiz kimi tanınmış aparıcı-prodüser Tolikin müəllifi olduğu "Hər şey daxil" verilişi bağlansa da, o, Xəzər TV-dən uzaqlaşdırılmayıb. Tolik sözügedən şirkətdə fəaliyyətini bundan sonra da davam etdirəcəyini açıqlayıb.

foto.info.az xəbər verir ki, aparıcı sosial şəbəkədə post paylaşaraq küsülü olduğu insanların belə ona zəng vurduğunu deyib:

“Dostlar, Allah sizləri qorusun, inanın bu iki gündə o qədər insanı tanıdım ki… Hətta danışmadığım adamlar da mənə zəng vurdu. Amma bəzi qurdlanmış, paslanmış, naftalinlər tez sevindilər a. Qaldı ürəyinizdə, bilirsiniz niyə? Çünki mən aparıcı olmayanda da sizin iynənizi vurmağa qadir idim! Allah yaxşı bəndələrini hər zaman ucaldır”.

Qeyd edək ki, "Hər Şey Daxil” proqramında müğənnilər arasında yaşanan gərginlikdən sonra verilişin bağlanmasına qərar verilib.