USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Şəkərli diabet və hemofiliya xəstələri də tibbi sığorta ilə müalicə olunacaq
Gələn ildən etibarən şəkərli diabet başda olmaqla, indiyədək icbari tibbi sığorta zərfinə daxil olmayan bir sıra xəstəliklər də sığorta çərçivəsində müalicə ediləcək.
Bu, “Azərbaycan Respublikasının 2026-cı il dövlət büdcəsi haqqında” qanun layihəsində öz əksini tapıb.
Məlumata görə, İcbari Tibbi Sığorta Fondunun vəsaitləri hesabına 2026-cı ildən aşağıdakı xəstəliklərin müalicəsi həyata keçiriləcək:
• xroniki böyrək çatışmazlığı,
• şəkərli diabet,
• hemofiliya,
• ana və uşaqların sağlamlığının yaxşılaşdırılması və uşaqların icbari dispanserizasiyası,
• ixtioz və buliyoz epidermoliz xəstəliklərinin müalicəsi və profilaktikası,
• dağınıq skleroz xəstəliyi,
• vərəm,
• uşaqlarda kistoz fibroz genetik xəstəliyi.
Bununla bağlı qanunvericiliyə müvafiq dəyişikliklərin edilməsi nəzərdə tutulur.
Yeni dəyişikliklərin məqsədi icbari tibbi sığortanın əhatə dairəsini genişləndirmək, xroniki və nadir xəstəliklərdən əziyyət çəkən vətəndaşlara dövlət dəstəyini artırmaqdır.
