Ötən həftə Elmi Tədqiqat Pedriatriya İnstitutunda bir qrup şəxsin dələduzluluğu barədə daxil olmuş məlumat əsasında yazı dərc etmişdik. Həmin yazıdan sonra Elmi Tədqiqat Pedriatriya İnstitutunun bəzi işçiləri saytımızla əlaqə yaradaraq məsələyə münasibətlərini bildirdilər. Belə ki, yazıda adı keçən Zərifə Hümbətova, Xatirə Tahirova, Şuşaxanım Cəfərova və Sənubər Quliyeva bildirdilər ki, “verilən məlumat düz deyil və biz zərəçəkən tərəfik”. Tibb bacısı Zərifə Hümbətova yazıda adları çəkilənlərin hamısının zərəçəkmiş şəxs olduğunu və tibb bacısı Məmmədova Günay Ənvər qızı tərəfindən onlara qarşı dələduzluq edildiyini bildirdi.

Məlumat üçün bildiririk ki, ilkin yazılar dərc edildikdən sonra saytımıza baş vermiş hadisə ilə bağlı kifayət qədər məlumatlar daxil oldu. Elə bu səbəbdən də əldə etdiyimiz məlumatları hissə-hissə oxucularla paylaşmaq və zərərçəkmiş şəxslərin dairəsini müəyyənləşdirmək niyyətindəyik.

Saytımıza daxil olan məlumatda qeyd edilir ki, Günay Məmmədova adı keçən şəxslərlə əlbir olaraq “pramida sistemi” qurublar. Günay Məmmədova, Nazim Hümbətov, Zərifə Hümbətova, Natavan Hümbətova, Türkan Məmmədova, Hicran İsmayılova, Rza Məmmədov və Əfruzə Cəbiyeva, Lalə Mövsümova, Şuşaxanım Cəfərova, Xatirə Tahirova, Sənubər Quliyeva və Səbinə Mansurova həmin “pramida”nın əsas üzvlərindən olublar.

“Pramida” üzvülərinin ələ keçirdikləri pullarla saysız hesabsız daşınmaz əmlaklar əldə edildiyi deyilir.

Mənbəmiz qeyd edir ki, “pramida” üzvüləri bütün günahları Günay Məmmədovanın üstünə yıxırlar və özlərini “zərərçəkmiş” hesab edirlər. Ancaq reallıqda onlar da “pramida”nı quran Günya Məmmədova ilə əlbir olub, onun dələduzluq əməllərinə şərik olublar və bu şəriklikdəndə müxtəlif məbləğlərdə pul qazanıblar.

Buna msial olaraq mənbəmiz “pramida” üzvülərindən bir olan Şuşaxanım Cəfərovanın əməlləri barədə danışaraq bildirir ki, “ona məxsus sonu 3174 ilə bitən plastik kartına ümumilikdə 22000 manat, yaxın tanışı Şamilin ailə üzvləri olan Ülkərin sonu 0626 ilə bitən, Cəmilənin sonu 1304 ilə bitən, Sonanın sonu 0251 ilə bitən plastik kartlarına hər birinə 5200 manat olmaqla ümumilikdə 15600 manat pul köçürülmüş və həmin pullar onların özləri tərəfindən bankomatlardan çıxarılmışdır”.

Məlumatda qeyd edilir ki, piramida üzvüləri ilə Günay Məmmədova arasında sonradan yaranan narazılıq nəticəsində Günay Məmmədovadan xeyli miqdarda artıq vəsaitlər alınıb.

Mənbəmiz bildirir ki, məsələ ilə bağlı Günay Məmmədovanı danışdırsanız o hər şeyi olduğu kimi danışacaq, çünki onun itircəyi heçnə qalmayıb. Məlumata görə Günay Məmmədova piramidanın digər üzvülərinə verdiyi pulları rəsmi formada köçürərək qəbzlərini saxlayıb. O, onların hər birinin dəqiq adlarını, soyadlarını, ata adlarını, plastic kartlarının nömrələrini bilir və bu barədə istintaq orqanına məlumat verib.

Qeyd edək ki, Elmi Tədqiqat Pedriatriya İnstitutunun bir qrup işçisinin qabaqcadan əlbir olaraq dələduzluq etmələri ilə bağlı saytımıza daxil olan digər məlumatlarla bağlı araşdırmalarımız davam edir.

AzFakt.com