"Şikayətim Referans Klinik Laboratoriya Mərkəzindəndir. Sizdən koronavirus testi tələb olunursa, siz yönləndirilirsiniz bu klinikaya. (Məsələn uçuş üçün). Bu klinika hər bir vətəndaşa bir testi 100 manat qiymət qarşılığında edir. Və gündə ən azı 1000 nəfərə test olunur sadəcə Nərimanov filialında. Bunun qarşılığında klinikada nə "online" növbə var, nə növbəni izləmək üçün monitor, nə də klinikaya gələn vətəndaşlar üçün parkinq". foto.info.az bildirir ki, bu sözlər Bakı sakini Azad Əlinin şikayətindəndir.

Referans Klinik Laboratoriya Mərkəzinin özü koronavirus yayır...

Daha sonra narazı vətəndaş bildirir: "Üstəlik balaca, dar koridorda 40-a yaxın insan gözləyir ki, birdən mənim sıram deyilər, eşitmərəm. Çox keyfiyyətsiz servis. Gömrük komitəsi ilə eyni səviyyədə...

Vətəndaşdan alınan 100 manata daxildir plastik çubuk və sizə xidmət göstərən 1 ədəd tibb bacısı və 4-5 nəfər admistrativ komanda.

Orda gözləyən insanlar hamısı məcburiyyətdən gedir. Məsələni yazmağımın səbəbi budur ki bu klinikanın sahibi kimdirsə, yəqin ki azərbaycanlı deyil. Çünkü insan öz həmyerlisinə bu qədərmi hörmətsiz yanaşa bilər?

Hara müraciət etmək lazımdır?"

foto.info.az olaraq narazı vətəndaşın iddiaları ilə bağlı qarşı tərəfi də dinləməyə hazırıq...