Əgər, savaş içərisində olan bir ölkənin prezidenti səfərbərlik elan etdikdən dərhal sonra bir sıra ağır cəzalar və onları doğracaq səbəblərlə bağlı belə qəribə sənəd imzalayırsa, daha hər şey aydındır.
Bu, o deməkdir ki, rus xalqı ordunu və prezidentı dəstəkləmir. Eyni zamanda, Rusiya prezidenti - Ali Baş Komandan, Putin hakimiyyəti orduya və xalqa güvənmir.

Foto.info.az xəbər verir ki, bunu politoloq Elçin Xalidbəyli deyib.

Politoloqun fikrincə, müasir Rusiyanın və onun prezidentinin siyasi faciəsidir, bu:

"Vladimir Putin hərbi xidmətlə bağlı düzəlişlər paketini imzalayıb, könüllü təslim olmaya görə 3 ildən 10 ilədək müddətə cinayət məsuliyyəti tətbiq edilir,
talamaya görə 15 ilədək cinayət məsuliyyəti nəzərdə tutulur, Rusiya ordusunda könüllü xidmət edən əcnəbilər sadələşdirilmiş sistem əsasında Rusiya vətəndaşlığını ala biləcəklər, hərbi qulluqçular fərariliyə, döyüş əməliyyatlarında iştirakdan imtina etməyə görə 10 il müddətinə azadlıqdan məhrum edilə bilər".