USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanın idxalı artıb, ixracı azaldığından xarici ticarətin profisiti aşağı düşüb
Xarici ticarətin profisiti 5 milyard 53 milyon 783 min dollardan 3 milyard 711 milyon 473 min dollara geriləyib.
2023-cü ilin ilk 3 ayında Azərbaycanın xarici ticarət əməliyyatlarının həcmi 11 milyard 771 milyon 184 min dollar, o cümlədən ixrac 7 milyard 741 milyon 329 min dollar, idxal 4 milyard 29 milyon 855 min dollar, müsbət saldo (profisit) 3 milyard 711 milyon 473 min dollar təşkil edib.
Foto.info.az xəbər verir ki, bu, Dövlət Gömrük Komitəsinin aylıq hesabatından məlum olur.
2023-cü ilin Mart ayında Azərbaycanın ixracı 3 milyard 221 milyon 86 min dollar, idxalı 1 milyard 378 milyon 977 min dollar olub. Martda ilk 3 ayın ən böyük aylıq ixracı qeydə alınıb.
Ötən ilin ilk 3 ayında Azərbaycanın xarici ticarət əməliyyatlarının həcmi 10 milyard 908 milyon 70 min dollar, o cümlədən ixracı 7 milyard 980 milyon 926 min dollar, idxalı 2 milyard 927 milyon 143 min dollar, müsbət saldo 5 milyard 53 milyon 783 min dollar təşkil etmişdi.
