Böyük Britaniya qanunsuz miqrant axını ilə daha effektiv mübarizə məqsədilə Türkiyə ilə miqrant qayığı istehsalçılarının qarşısını almaq haqqında razılaşma bağlayıb.

Foto.info.az xəbər verir ki, bu barədə Böyük Britaniyanın Daxili İşlər Nazirliyinə istinadən “The Daily Telegraph” qəzeti məlumat yayıb.

Nəşr yazıb ki, Böyük Britaniya Türkiyədə mərkəz yaratmaq niyyətindədir, onun əsasında iki ölkənin hüquq-mühafizə orqanları şişmə qayıq istehsalçıları ilə mübarizə əməliyyatlarını əlaqələndirə biləcəklər. Belə ki, qanunsuz miqrantlar onlardan Fransadan İngiltərə sahillərinə keçmək üçün istifadə edirlər. Qəzet Britaniyanın Milli Cinayətkarlıq Mübarizə Agentliyinin məlumatlarına istinad edərək, qeyri-qanuni mühacir daşıyıcılarının istifadə etdiyi şişmə qayıqların böyük əksəriyyətinin Türkiyədə istehsal edildiyini bildirir. Bundan sonra Çin mühərrikləri ilə təchiz edilərək Almaniyaya və ya Bolqarıstana, oradan isə Fransaya daşınırlar. “The Daily Telegraph”ın mənbəsinə görə, bu qayıqların 80 %-dən 90 %-ə qədəri Türkiyə mənşəlidir.