Rusiya Xarici İşlər Nazirliyi Almaniyanın Moskvadakı səfiri Aleksander Lambsdorf-a demarş elan edib və Bundesver zabitlərinin Rusiya ərazisinə hücumlarla bağlı söhbətinə aydınlıq gətirilməsini tələb edib.

Bu barədə Rusiya Xarici İşlər Nazirliyinin bəyanatında deyilir.

“Martın 4-də Rusiya Xarici İşlər Nazirliyində demarş zamanı Almaniya Federativ Respublikasının fövqəladə və səlahiyyətli səfiri Aleksandr Qraf Lambsdorfdan yüksək rütbəli alman zabitləri arasında Kiyev rejimini uzaqmənzilli “Taurus” qanadlı raketləri ilə təmin etmək mümkünlüyü, habelə Ukrayna Silahlı Qüvvələrinə onların Rusiyadakı hədəflərdə döyüş istifadəsində praktiki yardım göstərmək ilə bağlı müzakirələrlə bağlı izahat tələb edilib. Bu Berlin də daxil olmaqla, o cümlədən Qərbin, Ukrayna ətrafında münaqişədə kollektiv iştirakını əyani şəkildə nümayiş etdirir”, - nazirlik bildirib.

Lambsdorfa həmçinin bildirilib ki, Almaniyada rusiyalı jurnalistlərin fəaliyyətini məhdudlaşdırmaq cəhdləri yolverilməzdir, belə addımlar Rusiya Federasiyasının sərt cavabı olmadan qalmayacaq.

Xatırladaq ki, RT-nin baş redaktoru və təbliğatçı Marqarita Simonyan martın 1-də səhər saatlarında bildirib ki, “formalı yoldaşlar” ona Bundesverin (Almaniya Silahlı Qüvvələri) yüksək rütbəli zabitlərinin “Krım körpüsü necə bombalayacaqlarını” müzakirə etdiyi səs yazısı veriblər.