İyunun 18-də Türkiyə prezidenti Ərdoğan ilə Ermənistanın baş naziri Paşinyan arasında telefon danışığı olub.

Türkiyə prezidentinin mətbuat xidmətinin məlumatına görə, Paşinyan Ərdoğanı Qurban bayramı, Ərdoğan isə Paşinyanı qarşıdan gələn Müqəddas İsanın dəyişməsi günü münasibətilə təbrik edib.

Ərdoğan Paşinyana Ermənistanın şimal rayonlarında təbii fəlakətlə bağlı başsağlığı verib.

“Söhbət zamanı hər iki lider Türkiyə və Ermənistan arasında ilkin şərt olmadan münasibətlərin tam şəkildə normallaşdırılması üçün siyasi iradələrini vurğuladılar. Bu kontekstdə liderlər iki ölkənin xüsusi nümayəndələri arasında danışıqların davam etdirilməsinin vacibliyini qeyd edib və bu günə qədər razılaşdırılmış məsələləri təsdiqləyiblər.

Liderlər həmçinin Türkiyə və Ermənistanın yüksək səviyyəli rəsmiləri arasında davam edən dialoqu məmnunluqla qeyd ediblər”, - Türkiyə tərəfinin bəyanatında deyilir.