USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paşinyan: Minsk Qrupunun buraxılması gündəlikdədir
Ermənistanın Baş naziri Nikol Paşinyan başçılıq etdiyi hökumətin ATƏT-in Minsk Qrupunun buraxılması üçün müzakirələrə başlayacağını deyib.
Baş nazir bunu ölkəsinin İctimai televiziyasına müsahibəsində bildirib. O qeyd edib ki, Minsk Qrupu aktuallığını itirib.
“ATƏT-in Mink Qrupu həmsədrliyinin ləğvi məsələsi açıq şəkildə müzakirə olunacaq məsələdir, çünki biz sülhə doğru gedirik. Biz sülhə doğru irəlilədikcə bu format öz aktuallığını itirir. Burada da bir az çeviklik nümayiş etdirməliyik ki, məqsədlə vasitəni qarışdırmayaq”, - Paşinyan deyib.
Ermənistanın Minsk Qrupunun buraxılması üçün rəsmi müraciət etməsi Azərbaycanın sülh razılaşmasını imzalamaq üçün irəli sürdüyü tələblərdən biridir.
Digər tələb isə Ermənistan konstitusiyasından Azərbaycana qarşı ərazi iddialarının çıxarılmasıdır.
Daha öncə Ermənistan xarici işlər naziri Ararat Mirzoyan razılaşmanı imzalamaq üçün Azərbaycanın şərtlərini qəbul etməyəcəklərini demişdi.
