USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Putin Zelenski ilə görüşməyəcək – İstanbul danışıqlarında Rusiya nümayəndə heyəti bəlli oldu
Dünya ictimaiyyətinin böyük maraqla gözlədiyi görüş baş tutmayacaq. Rusiya Prezidenti Vladimir Putin Ukrayna Prezidenti Volodimir Zelenski ilə görüşə qatılmayacaq. İstanbulda keçirilməsi planlaşdırılan danışıqlarda Rusiya tərəfini təmsil edəcək nümayəndə heyətinin tərkibi artıq müəyyənləşib.
Məlumata görə, nümayəndə heyətinə Rusiya prezidentinin köməkçisi Vladimir Medinski rəhbərlik edəcək. Onunla yanaşı, nümayəndə heyətində Rusiya Xarici İşlər Nazirinin müavini Mixail Qaluzin, Rusiya Silahlı Qüvvələrinin Baş Qərargah rəisinin müavini İqor Kostyukov və Müdafiə nazirinin müavini Aleksandr Fomin də yer alacaq.
Rəsmi mənbələr bildirir ki, nümayəndə heyətinin tərkibi şəxsən Prezident Putin tərəfindən təsdiqlənib.
Danışıqların gündəliyində əsasən humanitar məsələlər, atəşkəs rejimi və münaqişənin siyasi həlli yolları yer alacaq. Görüşlərin nəticələri beynəlxalq ictimaiyyət tərəfindən diqqətlə izlənilir.
