USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Başlıq: Pakistanın Baş naziri Prezident İlham Əliyevə təşəkkür etdi
Bu gün Pakistanın Baş naziri Məhəmməd Şahbaz Şərif Azərbaycan Prezidenti İlham Əliyevə telefonla zəng edib.
Telefon danışığı zamanı Baş nazir Hindistanın Pakistana qarşı həyata keçirdiyi hərbi hücumlar və regionda atəşkəsin əldə olunması barədə dövlət başçısına məlumat verib. O, böhran zamanı Azərbaycanın göstərdiyi siyasi və diplomatik dəstəyə, eləcə də Pakistan xalqı ilə nümayiş etdirilən həmrəyliyə görə təşəkkürünü bildirib. Məhəmməd Şahbaz Şərif bunu ölkələrimiz arasında mövcud olan qardaşlıq münasibətlərinin bariz nümunəsi kimi qiymətləndirib.
Prezident İlham Əliyev regionda atəşkəsin təmin olunmasını məmnunluqla qeyd edib və Azərbaycan xalqı ilə dövləti adından Pakistana dəstəyin hər zaman ifadə olunduğunu vurğulayıb.
Telefon danışığı çərçivəsində Azərbaycan və Pakistan arasında müxtəlif sahələrdə əməkdaşlıq məsələləri də müzakirə olunub.
