USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Faiq Həsənov ikinci dəfə Ginnesin Rekordlar Kitabına düşdü
Azərbaycan Şahmat Federasiyasının vitse-prezidenti, tanınmış televiziya siması və beynəlxalq dərəcəli hakim Faiq Həsənov ikinci dəfə Ginnesin Rekordlar Kitabında yer aldı.
Bu dəfə o, müəllifi və aparıcısı olduğu “Televiziya Şahmat Klubu” verilişi ilə tarixə düşüb. 55 il 277 gün efirdə yayımlanan bu proqram, Ginnes Rekordlar Kitabı tərəfindən “ən uzun müddət efirdə yayımlanan idman proqramı” kimi qeydə alınıb. Bu nailiyyət dünya televiziyası tarixində nadir hadisə kimi qiymətləndirilir.
Qeyd edək ki, Faiq Həsənov ötən ay da şahmat üzrə “ən uzunmüddətli kişi hakim” kimi Ginnesin Rekordlar Kitabına düşərək xüsusi diplomla təltif olunmuşdu.
Azərbaycan şahmatının inkişafında mühüm rol oynamış Faiq Həsənovun bu uğurları ölkə idman tarixində əlamətdar hadisə kimi dəyərləndirilir.
