USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanın siyasi uğuru - Avropa Siyasi Birliyinin Zirvə toplantısı 2028-ci ildə Azərbaycanda keçiriləcək
Avropa İttifaqı Şurasının Prezidenti Antonio Koşta 2028-ci ildə Avropa Siyasi Birliyinin Zirvə toplantısının Azərbaycanda keçiriləcəyini elan edib. O, bu barədə Avropa Siyasi Birliyinin Tiranada keçirilən Zirvə toplantısından sonra bildirib.
“Tiranada çox uğurlu Zirvə toplantısından sonra Avropa Siyasi Birliyi 2025-ci ilin oktyabrında Kopenhagendə yenidən toplanacaq. EPC liderlər səviyyəsində ümumavropa siyasi dialoqu üçün vacib foruma çevrilib”, – Koşta qeyd edib.
Koşta həmçinin Avropa Siyasi Birliyinin növbəti Zirvə toplantılarının keçiriləcəyi yerləri açıqlayıb. Onun sözlərinə görə, 2026-cı ildə Zirvə toplantıları Ermənistan və İrlandiyada, 2027-ci ildə İsveçrə və Yunanıstanda, 2028-ci ildə isə Azərbaycan və Latviyada baş tutacaq.
Qeyd edək ki, Avropa Siyasi Birliyi liderlərin bir araya gələrək siyasi dialoq apardığı və Avropa qitəsində əməkdaşlığı möhkəmləndirməyi hədəfləyən platformadır.
