USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyədə azərbaycanlı tələbəyə işgəncə verən dəstə ağır cəza aldı
Türkiyənin Zonquldak şəhərində azərbaycanlı tələbəyə qarşı törədilən vəhşiliklə bağlı məhkəmə prosesi yekunlaşıb. 25 yaşlı Azərbaycan vətəndaşı olan tələbənin girov saxlanılması, döyülməsi və əxlaqsız hərəkətlərə məruz qalması ilə bağlı məsuliyyət daşıyan cinayətkar dəstənin üzvləri ağır cəzalara məhkum edilib.
İstintaq zamanı müəyyən edilib ki, zərərçəkmiş şəxs təxminən iki il əvvəl narkotik vasitələrin satışı ilə məşğul olan dəstəyə qoşulub. Lakin qısa müddət sonra hüquq-mühafizə orqanları tərəfindən saxlanılıb və üzərindəki qanunsuz silah götürülüb. Bu hadisədən sonra dəstə üzvləri onu “xəyanət”də günahlandıraraq qisas almağa qərar veriblər.
Gənc tələbə qapalı məkana salınaraq dəhşətli şəkildə döyülüb və təhqiramiz, əxlaqsız hərəkətlərə məruz qalıb. Bu anlar dəstə üzvləri tərəfindən videoya da çəkilib.
Zonquldak 3-cü Ağır Cinayət Məhkəməsinin çıxardığı hökmə əsasən:
• Dəstənin başçısı A.K. 40 il həbs cəzası alıb;
• M.A. 31 il 8 ay;
• S.K. isə 8 il 6 ay müddətinə azadlıqdan məhrum edilib.
Dəstənin digər üç üzvündən ikisinin polis nəzarətində qalmasına, birinin isə sərbəst buraxılmasına qərar verilib.
Hadisə həm Azərbaycan, həm də Türkiyə ictimaiyyəti tərəfindən ciddi narahatlıqla qarşılanıb və insan hüquqlarının kobud şəkildə pozulduğu bu cinayətin cəzasız qalmaması məmnunluqla qeyd olunur.
