USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xaçmaz Telekommunikasiya Qovşağında kadr dəyişikliyi – Rəis işdən çıxarıldı
Xaçmaz Telekommunikasiya Qovşağının rəisi Azim Davudov vəzifəsindən azad olunub. Bu barədə qərar Rəqəmsal İnkişaf və Nəqliyyat Nazirliyinə məxsus “Aztelekom” MMC tərəfindən verilib.
Məlumata görə, “Aztelekom” MMC-nin sədri Həsən Ömərovun imzaladığı əmrlə Azim Davudovun yerinə Rasim Dərgahquliyev təyin olunub. Yeni rəis bundan əvvəl “Aztelekom” MMC-nin Şimal Regional filialının texniki direktoru vəzifəsində çalışıb.
Rasim Dərgahquliyevin qarşıdakı həftənin ilk iş günü yeni vəzifəsinin icrasına başlayacağı gözlənilir.
Qeyd edək ki, bu, son vaxtlar bölgədəki ikinci belə kadr dəyişikliyidir. Bir müddət əvvəl Qusar Telekommunikasiya Qovşağının rəisi Fərhad Pirmətov da işindən kənarlaşdırılmışdı.
