USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Vasif Talıbovun səhhəti pisləşdi – Ölkədən çıxışına qadağa qoyulub
Naxçıvan Muxtar Respublikası Ali Məclisinin keçmiş sədri Vasif Talıbovun səhhətində ciddi problemlər yaranıb. Bu barədə sabiq rəhbərin yaxın qohumlarından biri məlumat verib.
Onun sözlərinə görə, Talıbovun səhhətindəki problemlər son aylarda daha qabarıq şəkildə özünü göstərməyə başlayıb. Keçmiş rəhbərin durumu ötən həftə daha da pisləşib. Şəxsi həkimi onu evində müayinə etdikdən sonra xəstəxanada müalicə almasının vacib olduğunu bildirib. Lakin Talıbov Naxçıvanda fəaliyyət göstərən tibb müəssisələrinə getməkdən imtina edib.
Qohumunun dediyinə görə, Vasif Talıbov müalicə üçün xaricə getmək istəyib, amma bu arzusu reallaşmayıb. Belə ki, Bakı onun ölkəni tərk etməsinə icazə verməyib və ona qarşı çıxış qadağası tətbiq olunub.
Qeyd edək ki, Vasif Talıbov 2022-ci il dekabrın 21-də Naxçıvan Muxtar Respublikası Ali Məclisinin sədri vəzifəsindən istefa verib. İstefadan sonra Naxçıvandakı şəxsi mülkünə çəkilərək, kənar şəxslərlə əlaqəni tamamilə kəsib. Hətta o, yaxın qohumlarının xeyir-şər məclislərində də iştirak etməyib.
