USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Suriyadan Daha 13 Azərbaycan Vətəndaşı Repatriasiya Olundu
İyunun 3-də Suriyadan daha 13 nəfər Azərbaycan vətəndaşı ölkəyə repatriasiya olunub. Bu barədə Azərbaycan Respublikasının Xarici İşlər Nazirliyi məlumat yayıb.
Nazirliyin açıqlamasına əsasən, repatriasiya prosesindən əvvəl həmin şəxslərin yeri, şəxsiyyəti və Azərbaycan vətəndaşlığına mənsubiyyəti müəyyən edilib. Proses Azərbaycan dövlətinin müvafiq qurumlarının koordinasiyalı fəaliyyəti nəticəsində həyata keçirilib.
Bildirilib ki, İraq və Suriyadan Azərbaycan vətəndaşlarının geri qaytarılması ilə bağlı işlər çərçivəsində aidiyyəti dövlət qurumlarının nümayəndələri Türkiyəyə ezam olunublar. Orada repatriantların ilkin tibbi və psixoloji müayinəsi təşkil edilib.
Xarici İşlər Nazirliyi əlavə edib ki, son dörd il ərzində Suriyadan Azərbaycana 200-dən çox vətəndaş repatriasiya olunub. Onların 172 nəfəri uşaq, 52 nəfəri isə qadındır.
Azərbaycan dövləti vətəndaşlarının təhlükəsizliyi və cəmiyyətə reinteqrasiyası istiqamətində işləri davam etdirir.
