USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanla Çin arasında viza rejiminin ləğvi təsdiqləndi
Azərbaycanla Çin arasında viza rejiminin ləğvi rəsmən təsdiqlənib.
Prezident İlham Əliyev “Azərbaycan Respublikası Hökuməti ilə Çin Xalq Respublikası Hökuməti arasında ümumvətəndaş pasportlarına malik vətəndaşların vizadan qarşılıqlı azad edilməsi haqqında Saziş”in təsdiq edilməsi barədə sərəncam imzalayıb.
Sazişə əsasən, hər iki ölkənin ümumvətəndaş pasportuna sahib vətəndaşları qarşılıqlı şəkildə viza almadan digər ölkəyə səfər edə biləcəklər. Bu addım Azərbaycan və Çin arasında turizm, iqtisadiyyat, mədəniyyət və digər sahələrdə əməkdaşlığın genişlənməsinə töhfə vermək məqsədi daşıyır.
Viza rejiminin ləğvi həmçinin iki ölkə vətəndaşlarının qarşılıqlı səfərlərini asanlaşdıracaq və əlaqələrin intensivləşməsinə şərait yaradacaq.
Sazişin hansı tarixdən qüvvəyə minəcəyi və texniki detalları barədə əlavə məlumatların yaxın günlərdə açıqlanacağı gözlənilir.
