Yaxın Şərqdəki son hadisələr və bəzi ölkələrin hava məkanlarını bağlaması səbəbindən “Azərbaycan Hava Yolları” (AZAL) 14, 15 və 16 iyun 2025-ci il tarixlərinə planlaşdırılan bir sıra beynəlxalq reysləri təhlükəsizlik səbəbilə ləğv etdiyini açıqlayıb.

AZAL-ın mətbuat xidmətindən Metbuat.az-a verilən məlumata əsasən, ləğv olunan reyslər aşağıdakılardır:

14 iyun 2025-ci il:
• Bakı – Tel-Əviv – Bakı (J2 331/332)
• Bakı – Nyu-Dehli – Bakı (J2 057/058)
• Bakı – İslamabad – Bakı (J2 143/144)
• Bakı – Ər-Riyad – Bakı (J2 8203/8204)
• Bakı – Tehran – Bakı (J2 8017/8018)

15 iyun 2025-ci il:
• Bakı – Tel-Əviv – Bakı (J2 021/022 və J2 321/322)

16 iyun 2025-ci il:
• Bakı – Tel-Əviv – Bakı (J2 021/022 və J2 321/322)
• Bakı – Tehran – Bakı (J2 8017/8018)

Bundan əlavə, Bakı – Təbriz – Bakı marşrutu üzrə reyslərin də iyun ayının sonunadək tamamilə ləğv edildiyi bildirilib.

AZAL qeyd edib ki, uçuşların təhlükəsizliyi prioritet məsələ olaraq qalır və vəziyyətin inkişafı real vaxt rejimində izlənilir. Sərnişinlərə uçuş cədvəllərindəki dəyişikliklərlə bağlı operativ məlumat veriləcək.

Əlavə suallar üçün sərnişinlər callcenter@azal.az elektron poçt ünvanına müraciət edə bilərlər.