USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sabiq məmur: “Oğluma 100 minlik saat, yarım milyonluq rəsmlər almışdım” — bağban 7 il həbs edildi
“Qazprom” şirkətinin Azərbaycan nümayəndəliyinin sabiq rəhbəri Akif Həsənovun Şüvəlan qəsəbəsindəki bağ evini qarət edərək yandırmaqda ittiham olunan şəxsin məhkəməsi başa çatıb.
Bakı Ağır Cinayətlər Məhkəməsində keçirilən prosesdə məlum olub ki, ötən ilin qışında baş verən yanğın zamanı evdəki seyf oğurlanıb, içində bahalı saatlar, qızıl-zinət əşyaları və pul olub. İstintaqla evin bağbanı, 29 yaşlı Əkbər Bəşirli hadisəni törətməkdə təqsirli bilinib. O, oğurluq faktını qismən etiraf etsə də, evi yandırdığını inkar edib.
Zərərçəkmiş Akif Həsənov məhkəmədə bildirib ki, oğurlanan əşyaların dəyəri yarım milyon manatı ötüb. Oğluna 25 illik yubileyində 100 min manatlıq “Audemars Piguet” saatı hədiyyə etdiyini, özü isə “Breguet” və “Audemars Piguet” markalı saatlar saxladığını deyib. Onun sözlərinə görə, həmin saatlar xatirə olaraq da böyük əhəmiyyət daşıyıb və artıq istehsaldan çıxarıldığı üçün əvəzsizdir.
Həsənov əlavə edib ki, məşhur rəssamların orijinal əl işlərini toplayırdı və evdəki 4-5 belə tablo yanğın zamanı məhv olub:
“15 il əvvəl almışdım, indiki bazar dəyəri yarım milyon manata yaxındır. Amma Əkbərə yazığım gəldiyi üçün bu əsərlərin məhvini maddi zərər kimi tələb etmədim.”
Məhkəmənin hökmünə əsasən, Əkbər Bəşirli oğurluqda, əmlakı və sənədləri qəsdən məhv etməkdə təqsirli bilinərək 7 il müddətinə azadlıqdan məhrum edilib. Həmçinin sabiq məmurun qaldırdığı 450 min manatlıq mülki iddia da təmin olunub.
