USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ceyhun Bayramov və Sergey Lavrov təhlükəsizlik məsələlərini müzakirə ediblər
Azərbaycanın xarici işlər naziri Ceyhun Bayramov rusiyalı həmkarı Sergey Lavrov ilə telefon danışığı aparıb. Bu barədə Xarici İşlər Nazirliyi məlumat yayıb.
Məlumata görə, söhbət zamanı tərəflər regional və beynəlxalq təhlükəsizlik məsələlərini müzakirə ediblər. Bundan əlavə, Azərbaycan-Rusiya ikitərəfli və çoxtərəfli gündəliyində duran bir sıra mövzular – siyasi, iqtisadi və humanitar əməkdaşlığın müxtəlif istiqamətləri ətrafında fikir mübadiləsi aparılıb.
Nazirlər, həmçinin Azərbaycan ilə Rusiya arasında iqtisadi əməkdaşlıq məsələləri üzrə Hökumətlərarası Dövlət Komissiyasının 22 avqustda Həştərxan şəhərində keçirilmiş iclasına toxunaraq, görüşün nəticələrini yüksək qiymətləndiriblər.
Telefon danışığı zamanı qarşılıqlı maraq doğuran digər məsələlər də müzakirə olunub.
