USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanla Rusiya arasında ikitərəfli münasibətlər müzakirə olunub
Azərbaycanın xarici işlər naziri Ceyhun Bayramov, Rusiyanın xarici işlər nazirinin müavini Aleksandr Qruşko və Rusiyanın Avropa ölkələrində akkreditə olunmuş diplomatik nümayəndəliklərinin rəhbərlərini qəbul edib.
Bu barədə məlumatı Azərbaycan Xarici İşlər Nazirliyi yayıb.
Görüş zamanı Azərbaycan-Rusiya münasibətlərinin siyasi, iqtisadi, ticarət, humanitar və digər aspektləri, eləcə də qarşılıqlı maraq doğuran regional və beynəlxalq təhlükəsizlik məsələləri, postmünaqişə dövründə bölgədəki vəziyyət ətrafında fikir mübadiləsi aparılıb.
Nazir Ceyhun Bayramov ikitərəfli münasibətlərin inkişafında intensiv qarşılıqlı səfərlərin və diplomatik təmasların mühüm rol oynadığını vurğulayıb.
Görüş iştirakçıları qəbul üçün təşəkkürlərini bildiriblər və Azərbaycanın xarici siyasət prioritetləri ilə bağlı onları maraqlandıran sualları ünvanlayıblar.
