USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
CCTV Tiencində dövlət və hökumət başçılarının xanımlarının gəmi gəzintisi barədə reportaj yayımladı
Çin Mərkəzi Televiziyası (CCTV) sentyabrın 1-də Tiencin şəhərində “Şanxay Əməkdaşlıq Təşkilatı Plus” formatında keçirilən görüş çərçivəsində dövlət və hökumət başçılarının xanımlarının Hayha çayında təşkil edilən gəmi gəzintisi barədə reportaj yayımlayıb.
Reportajda qeyd olunub ki, Çin Xalq Respublikasının birinci xanımı Pen Liyuan sammit iştirakçısı olan xarici ölkə liderlərinin xanımlarını Tiencində çay gəzintisinə dəvət edib.
Gəzinti zamanı qonaqlara şəhərin tarixi və inkişafı barədə ətraflı məlumat verilib. Kadrlar vasitəsilə Pen Liyuanın və qonaqların sahil mənzərələrini seyr etməsi, ənənəvi üçsimli musiqi alətinin ifasını dinləməsi, səmimi söhbətlər aparması və göyərtədə xatirə fotosu çəkdirməsi nümayiş etdirilib.
Reportajda həmçinin vurğulanıb ki, qonaqlar Çinin zəngin ənənəvi mədəniyyətini və müasir inkişafını yüksək qiymətləndiriblər.
