USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Maliyyə Nazirliyi İcbari Tibbi Sığorta Agentliyi və TƏBİB-də yoxlamalara başlayıb
Maliyyə Nazirliyinin Dövlət Maliyyə Nəzarəti Xidməti İcbari Tibbi Sığorta Agentliyi və Tibbi Ərazi Bölmələrini İdarəetmə Birliyində (TƏBİB) yoxlamalara start verib.
Nazirliyin İctimaiyyətlə əlaqələr və vətəndaş müraciətləri ilə iş şöbəsinin müdiri Mayis Piriyev faktı təsdiqləyib. O bildirib ki, yoxlamalar qanunvericiliyə uyğun olaraq aparılır:
“Dövlət Maliyyə Nəzarəti Xidməti tərəfindən İcbari Tibbi Sığorta Agentliyində və TƏBİB-də qanunamüvafiq qaydada nəzarət tədbirləri həyata keçirilir”.
Məlumata görə, aparılan maliyyə yoxlamalarının nəticələri mütəmadi olaraq Maliyyə Nazirliyinin rəsmi internet səhifəsində dərc ediləcək və ictimaiyyətə açıqlanacaq.
Xatırladaq ki, İcbari Tibbi Sığorta Agentliyinin sədri Zaur Əliyev, TƏBİB-in icraçı direktoru isə Vüqar Qurbanovdur.
