USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Maltadan Adnan Əhmədzadəyə ağır ittiham
Bu günlərdə həbs edilmiş Adnan Əhmədzadə ilə bağlı Malta Herald saytında məqalə dərc edilib.
Məqalədə yazılır:
"SOCAR-ın keçmiş baş treyderi və hazırda ABDA Invest Holding şirkətinin İdarə Heyətinin sədri olan Adnan Əhmədzadə, Azərbaycanda neft fırıldağı ilə əlaqədar olaraq həbs edilib. O, emal olunmuş neft məhsullarını Rusiya xam nefti ilə qarışdırmaqda ittiham olunur – bu, neft qaçaqmalçılığı sahəsində geniş istifadə edilən fırıldaq üsullarından biridir.
Adnan Əhmədzadə bizim araşdırmalarımızın da əsas fiqurlarından biridir. Belə ki, SOCAR daxilindən geniş məlumatlara malik bir ifşaçı, Adnan Əhmədzadəni "Alkagesta" şirkətinin arxasında gizlənən əsas şəxs olmaqda ittiham edir. Həmçinin Alkagesta şirkətinin rəhbəri olan Kamran Ağayev – Adnan Əhmədzadənin qohumudur.
Alkagesta, Maltanın ən böyük neft bunker şirkətidir və Birżebbuġadakı neft terminalından istifadə edərək Rusiya kölgə donanması ilə birlikdə Rusiya neftinin qaçaq yolla daşınmasında iştirak edib. Şirkət, eyni zamanda, Liviyadan qaçaq yollarla əldə olunan neftin ticarəti ilə də məşğul olub. Avropa İttifaqı və Böyük Britaniya orqanları hal-hazırda Alkagesta şirkətini saxta sertifikatlarla Avropaya Rusiya nefti satmaq ittihamı ilə araşdırırlar".
