USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanda həbsdə olan eks-nazirin kürəkəni də saxlanıldı
Gürcüstan Maliyyə Nazirliyinin İstintaq Xidməti keçmiş müdafiə naziri Cuanşer Burçuladzenin kürəkəni Vasil Mxeidzeyə qarşı yeni cinayət işi açıb. Bu barədə yerli “Georgia Online” nəşri məlumat yayıb.
Məlumata görə, Mxeidze saxta siqaretlərin külli miqdarda qanunsuz istehsalını təşkil etməkdə ittiham olunur. İstintaq orqanları bildiriblər ki, onun göstərişi ilə 2023-cü ildən Qori şəhərindəki fabrikdə aksizsiz tütün məmulatları istehsal olunub.
Axtarış zamanı müstəntiqlər satışa hazır təxminən 324 min qutu “Kareliya” siqareti aşkar ediblər.
Cinayət işində yalnız Mxeidze deyil, fabrikin direktoru M.A. və mühafizə rəisi, əvvəllər Burçuladzenin şəxsi mühafizəçisi işləmiş N.T də saxlanılıb.
Keçmiş nazir də həbsdədir
Xatırladaq ki, keçmiş müdafiə naziri Cuanşer Burçuladze sentyabrın 11-də saxlanılıb. O, vəzifə səlahiyyətlərindən sui-istifadə və korrupsiya ittihamları ilə həbs olunub.
Burçuladze 2021-ci ildən 2024-cü ilə qədər Gürcüstanın müdafiə naziri vəzifəsini icra edib.
