USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiyanın sərhəd gözətçi gəmisi Bakıya səfər edib
Sentyabrın 23-də Rusiya Federasiyasının Federal Təhlükəsizlik Xidmətinin Sahil Mühafizəsinə məxsus “Rəsul Həmzətov” sərhəd gözətçi gəmisi Bakı limanına daxil olub.
Dövlət Sərhəd Xidmətinin Mətbuat Mərkəzindən verilən məlumata görə, səfər Azərbaycan və Rusiya sərhəd xidmətlərinin sahil mühafizə qurumları arasında imzalanmış Tədbirlər Planına əsasən həyata keçirilir.
Görüşlər çərçivəsində tərəflərin nümayəndə heyətləri Xəzər dənizindəki mövcud əməliyyat şəraiti, sərhəd təhlükəsizliyinin təmin olunması istiqamətində aparılan işlər, birgə əməliyyat-profilaktik tədbirlərin nəticələri və informasiya mübadiləsi məsələlərini müzakirə edəcəklər.
Səfər proqramına həmçinin dostluq xarakterli tədbirlər daxildir. “Sərhədçi” İdman Mərkəzində Azərbaycan və Rusiya sahil mühafizəçiləri arasında futbol üzrə yoldaşlıq oyunu keçiriləcək, tərəflərin gəmiləri qarşılıqlı şəkildə ziyarət ediləcək.
Qonaqlar üçün mədəni proqram da hazırlanıb. Onların Heydər Əliyev Mərkəzi, Atəşgah məbədi və paytaxtın digər tarixi-mədəni məkanlarına səfərləri nəzərdə tutulub.
