USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhkəmə Saakaşvilini təqsirli bildi – 3 milyon dollar ödəməlidir
Tbilisi Şəhər Məhkəməsi Gürcüstanın keçmiş prezidenti Mixail Saakaşvili (2004–2013) və onun təhlükəsizlik xidməti rəhbəri Teymuraz Canaşiyanı dövlət vəsaitlərini mənimsəməkdə təqsirli bilib.
“İnterpress” xəbər agentliyinin məlumatına görə, məhkəmə onların Gürcüstan dövlət xəzinəsinə 9 milyon lari (3 milyon dollardan çox) ödəməsinə qərar verib. Qərar Gürcüstan Maliyyə Nazirliyinin tələbi əsasında hakim Aleksandr Qzirişvili tərəfindən çıxarılıb.
Agentliyin iddiasına əsasən, bu ilin mart ayında Saakaşvili və Canaşiya təqribən 9 milyon lari dövlət vəsaitini mənimsəməkdə təqsirli biliniblər. Bu səbəbdən vəsaitlərin dövlət xəzinəsinə qaytarılması məcburi sayılıb.
Bundan bir gün əvvəl, sentyabrın 27-də, Gürcüstanın baş naziri İrakli Kobaxidze bəyan edib ki, hökumət Saakaşvilinin təsis etdiyi müxalif Vahid Milli Hərəkat partiyasının fəaliyyətinin qadağan olunması tələbi ilə oktyabr ayında Konstitusiya Məhkəməsinə müraciət etməyi planlaşdırır.
