USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran Ermənistanla sərhəddəki gömrük məntəqəsi vasitəsilə ixracını artırıb
İran Ermənistanla sərhəddə yerləşən Norduz Gömrük İdarəsi vasitəsilə ixrac həcmini əhəmiyyətli dərəcədə artırıb.
Bu barədə idarənin direktoru Rza Tağızadə məlumat verib. Onun sözlərinə görə, bu ilin birinci yarısında Norduz gömrük-keçid məntəqəsi vasitəsilə 152 milyon dollardan çox dəyərində 644 min tondan artıq mal ixrac olunub.
Tağızadə bildirib ki, ötən ilin eyni dövrü ilə müqayisədə ixracın həcmi çəki baxımından 29%, dəyər baxımından isə 72% artıb.
İxrac olunan əsas məhsullara armatur, sement, profillər, meyvə, klinker və natrium sulfid daxildir.
Norduz vasitəsilə ümumi tranzit həcmi də artaraq 176 min tonu keçib ki, bu da ötən illə müqayisədə 13% çoxdur. Tranzit malları arasında avtomobil hissələri, siqaret, meyvələr, müxtəlif cihaz və avadanlıqlar üstünlük təşkil edir.
Rza Tağızadə həmçinin qeyd edib ki, hesabat dövründə gömrükdə 56 qaçaqmalçılıq faktı aşkarlanaraq araşdırılıb.
