Milli Məclisin iclasında Vergi Məcəlləsində dəyişiklik layihəsi müzakirə olunub və qəbul edilib. Layihəyə əsasən:
• Müvafiq icra hakimiyyəti orqanı tərəfindən yaradılan sənaye parkında fəaliyyət göstərən rezidentlərin 2025-ci il yanvarın 1-dən 6 il müddətinə mənfəət vergisindən azad olunması nəzərdə tutulur.
• Eyni müddət ərzində həmin rezidentlərin sənaye parkındakı əmlak və torpaqlara görə əmlak və torpaq vergisindən azad olması təmin ediləcək.
• “Gömrük tarifi haqqında” Qanuna edilən dəyişikliklə, sənaye parkının rezidenti tərəfindən fəaliyyət məqsədləri üçün idxal edilən mallar 2030-cu ilədək gömrük rüsumlarından azad olacaq.

Qeyd olunub ki, bu dəyişiklik xüsusilə Bakı Gəmiqayırma Zavodunun Qaradağ Sənaye Parkında fəaliyyət göstərən rezidenti üçün tətbiq olunur, çünki əvvəlki güzəştlərin müddəti başa çatmaq üzrədir və bu azadolmaların 2030-cu ilədək uzadılması zərurət yarandığı bildirilib.

Layihənin qüvvəyə minməsi ilə mənfəət, əmlak və torpaq vergisindən azadolma müddəti 6 il (2030-cu il dekabrın 31-dək) olacaq, həmçinin gömrük rüsumlarından azadolma müddəti də uzadılacaq.