Milli Məclisin iclasında qanun layihəsi müzakirəsi zamanı deputatlar arasında rüsumların konstitusiyaya uyğunluğu barədə fikir ayrılığı yaranıb.
• Qüdrət Həsənquliyev bildirib ki, vətəndaşlardan dövlət orqanlarının göstərdiyi xidmətlər üçün əlavə haqqın alınması konstitusiyaya zidddir:
“Əgər dövlət orqanı göstərdiyi xidmətə görə haqq alacaqsa, bu artıq kommersiya təşkilatıdır. Bu formada rüsumlardan əlavə xidmət haqqı almaq konstitusiyaya ziddir”.
• Deputat həmçinin vurğulayıb ki, məqsəd büdcə gəlirlərini artırmaq olsa da, mülkiyyət toxunulmazlığını qorumaq və əlverişli biznes mühiti yaratmaq üçün qanunun aliliyinə riayət edilməlidir.
• Buna cavab olaraq Milli Məclisin sədr müavini Ziyafət Əsgərov deyib ki, qanun layihəsi diqqətlə oxunub və:
“Əgər ‘Dövlət rüsumları haqqında’ qanunla qəbul ediləcək bu qanun arasında ziddiyyət yaranarsa, bunlar uyğunlaşdırılacaq. Ona görə də demək ki, konstitusiyaya ziddir, düzgün deyil”.

Beləliklə, deputatlar rüsumların və əlavə xidmət haqqının konstitusiyaya uyğunluğu məsələsində fərqli mövqedədirlər.