USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan və Türkiyə siyasi məsləhətləşmələr keçirdi
Bakıda oktyabrın 27-də Azərbaycan və Türkiyə Xarici İşlər nazirlikləri arasında siyasi məsləhətləşmələrin növbəti raundu keçirilib.
Azərbaycan Xarici İşlər Nazirliyinin məlumatına görə, Azərbaycan nümayəndə heyətinə nazirin müavini Samir Şərifov, Türkiyə nümayəndə heyətinə isə nazirin müavini Ayşe Berris Ekinci rəhbərlik edib. Məsləhətləşmələr çərçivəsində iki ölkə arasında müttəfiqlik əlaqələri, regional və beynəlxalq təhlükəsizlik məsələləri müzakirə olunub.
Xüsusilə Şuşa Bəyannaməsi çərçivəsində çoxölçülü əməkdaşlığın – siyasi, təhlükəsizlik, iqtisadi, ticarət, enerji, nəqliyyat, mədəni-humanitar sahələrdə – gücləndirilməsinin əhəmiyyəti vurğulanıb. Həmçinin, tərəflər bütün beynəlxalq platformalarda, o cümlədən Türk Dövlətləri Təşkilatında birgə səylərin önəmini qeyd ediblər.
Görüşdə Azərbaycan-Ermənistan normallaşma prosesi, Vaşinqton sammitindən irəli gələn məsələlər, Yaxın Şərqdə, Qəzza, Suriyada və Afrika ölkələrindəki vəziyyət, eləcə də qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.
