USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev Cəbrayılda ikinci və üçüncü yaşayış komplekslərinin təməlini qoyub
Azərbaycan Respublikasının Prezidenti İlham Əliyev oktyabrın 28-də Cəbrayıl şəhərində inşa ediləcək ikinci və üçüncü yaşayış komplekslərinin təməlini qoyub.
İkinci yaşayış kompleksi 5,28 hektar ərazidə salınacaq. Layihə çərçivəsində 5 və 6 mərtəbəli 23 bina inşa olunacaq. Binalarda bir, iki, üç, dörd və beşotaqlı olmaqla ümumilikdə 615 mənzil olacaq. Kompleksdə sakinlərin rahat yaşayışı üçün bütün zəruri şərait yaradılacaq.
Dövlət başçısı daha sonra üçüncü yaşayış kompleksinin təməlini qoyub. Bu kompleksin ümumi sahəsi 5 hektardan artıqdır. Burada 5, 6 və 7 mərtəbəli 25 binanın tikintisi planlaşdırılır. Layihəyə əsasən binalarda 746 mənzil olacaq.
Hər iki yaşayış kompleksi müasir şəhərsalma standartlarına uyğun şəkildə inşa ediləcək, zəruri sosial infrastrukturla təchiz olunacaq. Bu layihələr Cəbrayıl şəhərinin bərpası və köç prosesinin sürətləndirilməsi istiqamətində növbəti mühüm addım kimi qiymətləndirilir.
