USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda keçirilməsi planlaşdırılan Avropa Ravvinlər Konfransı təhlükəsizlik səbəbindən ləğv edilib
Noyabrın 3–6-da Bakıda keçirilməsi planlaşdırılan 33-cü Avropa Ravvinlər Konfransı (CER) təhlükəsizliklə bağlı narahatlıqlar səbəbindən ləğv edilib.
Bu barədə məlumatı “Israelnationalnews” yayıb. Nəşrin yazdığına görə, sosial şəbəkələrdə Türkiyə və İranda yaşayan bəzi azərbaycanlılar tərəfindən konfransın Bakıda keçirilməsinə qarşı tənqidi və narazı paylaşımlar edilib.
Tədbirin təşkilatçıları bildiriblər ki, əldə olunan konkret təhlükəsizlik xəbərdarlıqları onları Azərbaycan hakimiyyəti ilə məsləhətləşməyə vadar edib. Nəticədə konfransın başqa tarix və məkanda keçirilməsi barədə qərar qəbul olunub.
Konfransda İsrailin baş ravvinləri David Yosef və Kalman Ber, həmçinin nazirlər Amihay Çikli və Amihay Eliyahu iştirak etməli idi.
Avropa Ravvinlər Konfransının (CER) yaydığı bəyanatda qeyd olunub:
“Dərin təəssüf hissi ilə bildiririk ki, 33-cü Avropa Ravvinlər Konfransını və onun 70 illik yubiley tədbirini bizim nəzarətimizdən kənar səbəblərə görə təxirə salmaq məcburiyyətində qaldıq. Qısa müddətdə iştirakçılar və tərəfdaşlarla alternativ konfrans planları barədə əlaqə saxlanılacaq.”
Bəyanatda həmçinin Azərbaycan hökumətinə yəhudi icmalarına verdiyi dəstəyə görə təşəkkür edilib və gələcəkdə əməkdaşlığın davam etdiriləcəyinə ümid ifadə olunub.
Azərbaycan Xarici İşlər Nazirliyi hələlik məsələ ilə bağlı şərh verməyib.
