USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paşinyan: “Azərbaycanla birgə Cənubi Qafqazda yeni səhifə açmışıq”
“Ermənistanla Azərbaycan arasında sülh bərqərar olub. Bu, artıq bir reallıqdır və biz bunu həm praktikada görür, həm də hiss edirik”.
Bunu Ermənistanın baş naziri Nikol Paşinyan 8-ci Paris Sülh Forumunda çıxışı zamanı bildirib.
Paşinyan qeyd edib ki, sülhün əldə olunması avqustun 8-də ABŞ Prezidenti Donald Trampın dəstəyi və iştirakı ilə Vaşinqtonda keçirilən sammitin nəticəsidir:
“Biz sülh gündəmi üzərində işləyirdik, lakin Prezident Trampın şəxsi iştirakı olmasaydı, bu nailiyyətlər mümkün olmazdı. Vaşinqtonda Azərbaycan Prezidenti ilə birgə sülh bəyannaməsi qəbul etdik və Prezident Tramp bu sənədi şahid qismində imzaladı. Xarici işlər nazirlərimiz də Ermənistan və Azərbaycan arasında sülh müqaviləsini parafladılar”.
Paşinyan çıxışında bu razılaşmanı “tarixi dönüş nöqtəsi” adlandırıb:
“Bu, təkcə Ermənistan və Azərbaycan arasında münasibətlərin normallaşması deyil, həm də Cənubi Qafqazda iqtisadi əməkdaşlığın yeni mərhələsinin başlanğıcıdır. İndi regionumuz təkcə dinc deyil, həm də firavan gələcəyə doğru addımlayır”.
O, həmçinin vurğulayıb ki, Vaşinqton bəyannaməsi ərazi bütövlüyü, suverenlik, qarşılıqlılıq və beynəlxalq səviyyədə tanınmış sərhədlərin toxunulmazlığı prinsiplərinə əsaslanır.
