USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Putin İradə Zeynalovaya fövqəladə və səlahiyyətli səfir rütbəsi verib
Rusiya Prezidenti Vladimir Putin Rusiyanın Mavrikiydəki səfiri İradə Zeynalovaya fövqəladə və səlahiyyətli səfir diplomatik rütbəsi verib.
Bu barədə məlumat Rusiya hökumətinin rəsmi portalında noyabrın 1-də dərc olunub.
Fərmana əsasən, analoji diplomatik rütbə həmçinin Rusiya Federasiyasının Malayziyadakı səfiri Nail Latipova və Rusiya Xarici İşlər Nazirliyinin İnsan Hüquqları üzrə Çoxtərəfli Əməkdaşlıq Departamentinin direktoru Qriqori Lukyantsevə də təqdim edilib.
Qeyd edək ki, Azərbaycan əsilli İradə Zeynalova 2024-cü ilin sentyabrın 13-də Rusiyanın Mavrikiydəki səfiri təyin olunmuşdu. Həmin təyinatdan sonra o, uzun illər çalışdığı jurnalistika fəaliyyətini dayandırmışdı.
İradə Zeynalova Rusiya mediasında tanınmış simalardan biri olub — o, uzun müddət “Pervıy Kanal”da aparıcı və xüsusi müxbir kimi çalışıb, beynəlxalq siyasi proseslər və münaqişə zonalarından hazırladığı reportajlarla tanınıb.
