Gürcüstanın Batumi və Tbilisi gömrük-keçid məntəqələrində 20 gündən artıqdır saxlanılan Azərbaycana məxsus yük avtomobilləri ilə bağlı problem həllini tapıb.

Bu barədə “Report”a Azərbaycanın Gürcüstandakı səfirliyindən məlumat verilib. Bildirilib ki, səfirliyin əməkdaşları Gürcüstanın müvafiq dövlət qurumları ilə görüşlər keçirib və danışıqlar nəticəsində qarşı tərəf məsələnin qısa zamanda həll olunacağına söz verib.

Sürücülərdən təsdiq: Proseslər başlayıb

Yük avtomobillərindən birinin sürücüsü Aslan Kərimov bildirib ki, artıq praktiki addımlar atılır:
• Gömrükdə saxlanılan Azərbaycan maşınlarının yükləri keçid üçün hazırlanır;
• Batumi və Tbilisi terminallarında vəziyyət normallaşmağa başlayıb;
• Bu, yalnız tütün yüklərinə aid deyil – digər yüklər də buraxılışa hazırlanır.

Onun sözlərinə görə, avtomobillərə vurulan möhürlər açılıb və TIR-lar sabah səhərdən yola çıxacaq.

Rəsmi təsdiq

Həm Azərbaycanın Gürcüstandakı səfirliyi, həm də Gürcüstanın aidiyyəti qurumları məsələni operativ şəkildə həll olunduğunu təsdiqləyiblər.

Xatırladaq ki, tütün məmulatları daşıyan Azərbaycan yük maşınları bir müddət əvvəl Gürcüstan sərhəd-keçid məntəqəsində heç bir səbəb açıqlanmadan saxlanılmışdı.