USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Aqil Abbas: “Arzulayıram ki, amnistiya jurnalistlərə də şamil olunsun”
Milli Məclisin bu gün keçirilən plenar iclasında deputat Aqil Abbas amnistiya təşəbbüsü ilə bağlı çıxış edib.
Deputat bildirib ki, amnistiya aktı çoxsaylı insanlar üçün sevinc mənbəyi olacaq:
“Amnistiya ilə bağlı nə qədər insan sevinəcək. Bu, çox mühüm bir aktdır və insanların Yeni il qabağı sevincidir”.
Aqil Abbas çıxışında amnistiyanın jurnalistlərə də şamil olunmasını arzuladığını qeyd edib:
“Arzulayıram ki, bu, jurnalistlərə də şamil olunsun. Düzdür, günahları var, cinayətləri var. Amma müəyyən cinayətləri bağışlamaq olar”.
Deputat həmçinin azadlığa çıxacaq məhkumlara müraciət edərək onların bir daha cinayət törətməməsini arzuladığını bildirib:
“Bir daha həbsdən çıxacaq dustaqları təbrik edirəm. Bir də ora qayıtmasınlar”.
