USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Musa Quliyev: “Məktəblərin yaxınlığında köşklərdə siqaretlər hətta dənə-dənə satılır”
Milli Məclisdə üç komitənin birgə iclasında parlamentin Əmək və sosial siyasət komitəsinin sədri, deputat Musa Quliyev tütün məmulatları ilə bağlı mövcud qanunvericiliyin icra vəziyyətinə diqqət çəkib.
Deputat bildirib ki, elektron siqaretlərin qadağan olunması gələcəkdə yarana biləcək daha böyük təhlükələrin qarşısının alınmasına yönəlmiş profilaktik və vacib addımdır:
“Elektron siqaretlərin qadağan olunması bizi gələcəkdə gözləyən daha böyük təhlükələrin bəri başdan önlənməsinə xidmət edən profilaktik addım kimi olduqca əhəmiyyətlidir”.
Musa Quliyev qeyd edib ki, tütün məmulatlarının istifadəsinin məhdudlaşdırılması və reklamının qadağan olunması ilə bağlı ölkədə bir neçə qanun mövcuddur. Lakin bu qanunların icrasında ciddi problemlər var:
“Təəssüf ki, qanunlarımız hüquqi baxımdan kifayət qədər əsaslandırılmış və mükəmməl olsa da, onların işləməsi barədə bunu demək mümkün deyil. Xüsusilə ‘Tütün məmulatlarının istifadəsinin məhdudlaşdırılması haqqında’ qanun demək olar ki, tətbiq edilmir”.
Komitə sədri əlavə edib ki, qanunun icrasına nəzarət etməli olan qurumlar da bu nəzarəti lazımi səviyyədə həyata keçirmirlər:
“Məktəblərin lap yaxınlığında köşklər qoyulub və siqaretlər satılır. Hətta dənə-dənə satılır. Bu halların hamısı qanunun ciddi şəkildə pozulmasıdır”.
