USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Aİ Gürcüstana maliyyə yardımını dayandırıb, regionda əməkdaşlıq prioritetlərini yenidən nəzərdən keçirir
Avropa Komissiyası Gürcüstanın 2025-ci ilin sonuna qədər Avropa İttifaqından heç bir maliyyə yardımı almayacağını açıqlayıb.
Bu barədə Avropa Parlamentindən jurnalistlərə məlumat verilib. Bildirilib ki, maliyyə dəstəyinin 2026-cı ildə bərpa olunması ehtimalı da aşağı qiymətləndirilir.
Söhbət ümumilikdə 120 milyon avro həcmində yardımdan gedir. Avropa İttifaqı Gürcüstanda demokratik geriləmələr olduğu qənaətinə gələrək, bu maliyyə dəstəyini 2024-cü ildə dondurub.
Qeyd olunur ki, Gürcüstan Aİ-yə üzvlük üçün namizəd ölkə statusunu saxlayır. Lakin mövcud qiymətləndirmələrə əsasən, ölkənin 2030-cu ilə qədər Aİ-yə üzv olması ehtimal edilmir.
Ekspertlər bildirirlər ki, buna baxmayaraq, Avropa İttifaqı Cənubi Qafqaz regionunda siyasi və strateji təsirini qorumaqda maraqlıdır. Bu kontekstdə Ermənistanın Brüsselin regiondakı əsas tərəfdaşlarından biri kimi qalacağı qeyd olunur.
