USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstan Azərbaycandan tranzit haqqı alacaq
Gürcüstan Azərbaycan istehsalı olan benzinin Ermənistana növbəti tranziti zamanı ödəniş tətbiq edəcək.
Bu barədə “Mega Trade” şirkətinin direktoru Karen Ayriyan məlumat verib. Onun sözlərinə görə, söhbət Azərbaycan yanacağının Ermənistana sayca ikinci tranzitindən gedir. Bu mərhələdə Azərbaycandan “Premium” və “Regular” markalı benzin idxal olunacaq.
Karen Ayriyan bildirib ki, Gürcüstanın tətbiq edəcəyi tranzit haqqı benzinin son satış qiymətinə ciddi təsir göstərməyəcək. Onun fikrincə, yanacağın qiymətinə əsas təsir edən amillər valyuta məzənnələrindəki dəyişikliklər və dünya bazarlarında neft məhsullarının qiymətləridir.
Qeyd edək ki, hazırda Azərbaycan yanacağının Ermənistana əsas idxalçıları “Mega Trade” və “Shisha World” şirkətləridir. Gürcüstan isə bu tədarükdə tranzit ölkə rolunu oynayır.
