USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrailin xarici işlər naziri Milli Məclisin deputatları ilə görüşüb
İsrailin xarici işlər naziri Gideon Saar Azərbaycana səfəri çərçivəsində Milli Məclisin deputatları ilə görüş keçirib. Bu barədə nazir “X” sosial şəbəkəsindəki paylaşımında məlumat verib.
Gideon Saar bildirib ki, Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov, eləcə də Azərbaycan–İsrail parlamentlərarası dostluq qrupunun üzvləri ilə keçirilən görüş yüksək səviyyədə baş tutub.
“Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov və Azərbaycan–İsrail parlamentlərarası dostluq qrupunun üzvləri ilə görüş əla keçib. Biz İsrail və Azərbaycan arasındakı etimad, qarşılıqlı hörmət, ümumi dəyərlər və maraqlara əsaslanan dərin dostluq haqqında məhsuldar söhbət apardıq. Bu strateji tərəfdaşlığı gücləndiririk!” – deyə nazir paylaşımında qeyd edib.
Nazirin sözlərinə görə, görüşdə deputatlar Anatoli Rafailov, Rasim Musabəyov, Asim Mollazadə və Nigar Arpadarai da iştirak ediblər.
Görüş zamanı Azərbaycan və İsrail arasında parlamentlərarası əməkdaşlığın inkişafı, eləcə də ikitərəfli münasibətlərin müxtəlif istiqamətləri üzrə fikir mübadiləsi aparılıb. Tərəflər mövcud əlaqələrin daha da dərinləşdirilməsinin vacibliyini vurğulayıblar.
