USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlham Əliyev Səudiyyə Ərəbistanı Kralını təbrik edib
Azərbaycan Prezidenti İlham Əliyev Səudiyyə Ərəbistanının Kralı, İki Müqəddəs Ocağın Xadimi Salman bin Abdulaziz Al Sauda təbrik məktubu ünvanlayıb.
Təbrikdə Səudiyyə Ərəbistanı Krallığının Təsis Olunması Günü münasibətilə kral və qardaş xalqa ən xoş arzular çatdırılıb.
Məktubda Azərbaycan ilə Səudiyyə Ərəbistanı arasında dostluq və qardaşlıq münasibətlərinin dinamik inkişaf etdiyi vurğulanıb. Qeyd olunub ki, yüksək səviyyəli siyasi dialoq iqtisadi, enerji, humanitar və digər sahələrdə əməkdaşlıqla müşayiət olunur.
Prezident bərpaolunan enerji və investisiya sahələrində əməkdaşlığı xüsusi qeyd edərək, Səudiyyə Ərəbistanının ACWA Power şirkəti tərəfindən 240 MVt gücündə “Xızı-Abşeron” Külək Elektrik Stansiyasının tikilərək istismara verilməsini iki ölkə arasında səmərəli tərəfdaşlığın nümunəsi kimi qiymətləndirib.
Dövlət başçısı Azərbaycan–Səudiyyə Ərəbistanı münasibətlərinin həm ikitərəfli, həm də çoxtərəfli müstəvidə bundan sonra da inkişaf edəcəyinə əminliyini ifadə edib.
İlham Əliyev məktubda müqəddəs Ramazan ayının başlaması münasibətilə də təbriklərini çatdıraraq, kral Salman bin Əbdüləziz Al Səuda möhkəm cansağlığı, xoşbəxtlik və fəaliyyətində uğurlar, Səudiyyə Ərəbistanına isə əmin-amanlıq və firavanlıq arzulayıb.
